ევროპარლამენტმა ევროკავშირის კანონმდებლობაში მიიღო შესწორება, რომელიც ტერიტორიაზე ერთჯერადი პლასტმასის ჭურჭლის წარმოებასა და გაყიდვას კრძალავს. ევროკავშირში ერთჯერადი პლასტმასის ჭურჭლის წარმოება ახლაც აკრძალულია, თუმცა კანონმდებლობა 2021 წლიდან სრულად ამოქმედდება. აკრძალვა შეეხება სუფრისთვის განკუთვნილ ჭურჭელსა და კოქტეილის ჯოხებსაც.
ახალი კანონპროექტის მიხედვით, აკრძალვა არ შეეხება იმ ნივთებს, რომლებსაც ჯერ კიდევ არ აქვს შემცვლელი.
მსოფლიოში გარემოს დაბინძურების ერთ-ერთი მიზეზი პლასტმასის ნივთებია. მსოფლიოს ოკეანეებში არსებული ნარჩენების დაახლოებით ნახევარი სწორედ ერთჯერადი ჭურჭელია.
