ქალბატონო მინისტრო, თქვენი მოხსენება იყო ფარისევლური – ის, რომ სასამართლო სისტემის ე.წ. რეფორმით კატასტროფა მივიღეთ, ეს თქვენი პასუხისმგელობაა – თქვენ ხართ ამ პასუხისმგებლობის თავში, შუაში და ბოლოში, – ამ სიტყვებით პარლამენტის ტრიბუნიდან ფრაქცია “პატრიოტთა ალიანსი და სოციალ-დემოკრატების“ წევრმა ადა მარშანიამ თეა წულუკიანს მიმართა.
ადა მარშანიამ იუსიტციის მინისტრს უნამუსო უწოდა.
მარშანიას გამოსვლას წულუკიანმა უპასუხა. მან ადა მარშანიას მიმართა და სთხოვა, საპარლამენტო ტრიბუნიდან რუსული ნარატივით არასოდეს ესაუბრა. წულუკიანმა მარშანიას იმ განცხადებას უპასუხა, სადაც პატრიოტთა ალიანსიდან პარლამენტის დეპუტატმა მინისტრს მოუწოდა მათთან საუბრისას ტონი შეეცვალა.
„არა ქალბატონო ადა, მე თქვენ აღარ დაგელაპარაკებით, არც ამ ტონით არც იმ ტონით, საერთოდ არანაირი ტონით, იმიტომ რომ იმ პარტიას ვცემ და ქალბატონ ირმას პატივს, ვისთან ერთადაც მიბრძოლია. მაგრამ, ძალიან გთხოვთ, ქალბატონო ადა, რუსული ნარატივით ამ ტრიბუნიდან ნუ საუბრობთ. საუკეთესო მაგალითი იყო რუსული ნარატივის სალომე ზურაბიშვილის შემდეგ თქვენი გამოსვლა,“-განაცხადა იუსტიციის მინისტრმა.
