“ევროპული საქართველოს” დეპუტატებმა გიგი წერეთელმა და ირმა ნადირაშვილმა იუსტიციის მინისტრს ჰკითხეს, თუ რა მიზეზით აპირებდა თანამდებობიდან წავლას. რაზეც თეა წულუკიანმა პასუხის გაცემა, შეკითხვის ავტორების გამოხატვის ფორმების შეფასებით დაიწყო.
„ბატონმა გიგიმ შეკითხვა მისთვის ჩვეული დარბაისლობით დასვა. ქალბატონმა ირმამ თქვა, რომ „რატომ მოუწყე ივანიშვილს შანტაჟიო?“. როდიდან დაიწყო ქალბატონმა ირმამ ივანიშვილზე ასე დარდი, არ ვიცი, მაგრამ ამას მხოლოდ მივესალმები“, – აღნიშნა წულუკიანმა.
ამ შეფასების შემდეგ თეა წულუკიანმა განმარტა, რომ პარლამენტი არ არის ის ადგილი სადაც ამ საკითხის განმარტების ვალდებულება აქვს.
„არ ვიცი აღმასრულებელი ხელისიფლების თვალშირამდენად სწორი პოზიცია იყო ის, რაც მქონდა და დღესაც მაქვს, ამიტომ ეს პოზიცია გავხადე მსჯელობის საგნად და ვთქვი, რომ თუ ამ პოზიციას ვერ გაიზიარებთ, მოდით სხვამ შეასრულოს ეს უფლებამოსილებები და მიუხედევად იმისა, რომ პარტიის წევრი არ ვარ მე კვლავ დავრჩები, ნებისმიერი პოზიციიდან მათი დამხმარე და გულშემატკივარი. თუ რას ეხებოდა ეს საკითხი, მაპატიეთ და არ ვთვლი საჭიროდ ამაზე ლაპარაკს, იმიტომ, რომ ეს არ არის ის თემა, რომელიც პარლამენტს ეხება და ეს არ არის ის თემა, რომელიც რაიმე ტიპის საზოგადოებრივ ინტერესს ეხება“, – განაცხადა თეა წულუკიანმა.
