ხომ ვერ მეტყვით, ვინ არის საფრანგეთში საქართველოს ელჩი?

ხომ ვერ მეტყვით, ვინ არის საფრანგეთში საქართველოს ელჩი?

რვა თვის შემდეგ საფრანგეთსა და სხვა ქვეყნებში ელჩს რომ დანიშნავთ, მერე მობრძანდით და კოსმოსის მილიტარიზაციაზე მოგვახსენეთ თქვენი გეგმები, - ამ განცხადებით “ევროპული საქართველოს“ წარმომადგენელმა გიგა ბოკერიამ  საგარეო საქმეთა მინისტრს დავით ზალკანიანს მიმართა, რომელმაც საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე 2019-2022 წლების საქართველოს საგარეო პოლიტიკის სტრატეგიას წარადგინა.

“დოკუმენტში ძალიან ვრცლად გიწერიათ საფრანგეთის მნიშვნელობაზე, მასთან ორმხრივ ურთიერთობაზე, შექმნილია სპეციალური დიალოგი... ხომ ვერ მეტყვით, ვინ არის საფრანგეთში საქართველოს ელჩი? ამ დოკუმენტში გიწერიათ, რომ ფოკუსირებას აპირებთ კოსმოსის აქტიურ მილიტარიზაციაზე და შვიდი თვეა საფრანგეთში ელჩს რომ ვერ ნიშნავთ, მანდ რას აპირებთ?! კოსმოსის მილიტარიზაციაზე რა პოზიცია გაქვთ - მონაწილეობის მიღებას აპირებთ კოსმოსის მილიტარიზაციაში თუ მილიტარიზაციის წინააღმდეგ?“, - მიმართა კითხვით ბოკერიამ ზალკალიანს

დეპუტატის პასუხად ზალკალიანმა აღნიშნა, რომ ელჩი საფრანგეთში საქართველოს დიდი ხანია არ ჰყავს და მიდის მუშაობა კვალიფიციური კანდიდატურის შერჩევაზე.

სოციალისტი ამ "ძალად ბრძენს" და სინამდვილეში ... ხო, რაცაა ყველამ ვიცით, მინდა შევახსენო, რომ უკვე წელიწადია რაც აშშ-მ საქართველოში ელჩი ვერ დანიშნა. არ მითხრა ახლა ღირსად არ ჩაგვთვალა სტრატეგიულმა პარტნიორმა ერთი პენსიონერი ჩინოვნიკი ელჩად გამოეშვაო?! ასე რომ ჯერ დაფიქრდი და მერე თქვი! ნუ მიწყენ, ალბათ რუსული არ იცი და ეს გამოთქმა გადმოგითარგმნე! )))
6 თვის უკან