არიან ქალები, რომელთა გამომეტყველება, მანერები, გვაფიქრებინებს, რომ გარშემომყოფებს ვერ იტანენ. ასეთი კატეგორიის ქალები მაქსიმალურად შორს იჭერენ თავს ახლო ურთიერთობებისგან, გაურბიან ყველას და სწორედ ამიტომ, საზოგადოების დიდი ნაწილი ფიქრობს, რომ მათ ყველა სძულთ, რაც არ შეეფერება სინამდვილეს, ასე მხოლოდ გარედან ჩანს, შინაგანი სამყარო კი სხვაგვარია. ფსიქოლოგები ამბობენ, რომ ასეთ ქალებს „ოქროს გული“ აქვთ.
უფრო მეტიც, ფსიქოლოგთა მტკიცებით, ეს ქალები საუკეთესო შეყვარებულები და რომანტიკული პარტნიორები არიან ბევრი მიზეზის გამო. ვნახოთ, ერთი შეხედვით „გულცივი“ ქალის რეალური პიროვნული მახასიათებლები, რომელთა გამოც ის საუკეთესო შეყვარებულია.
ერთგულია - არასოდეს გიღალატებთ. პატიოსნება და ერთგულება მისი მთავარი ღირებულებებია. თამაშებისა და ინტრიგებისთვის დრო არ აქვს.
იცის, რა სურს - გამოირჩევა მდგრადი ფსიქოლოგიით და არის ინტელექტუალი. შეუძლია ემოციების მართვა. აბსოლუტურად აკონტროლებს თავის ქმედებებს. როცა გაბრაზებულია, არ სჩვევია ემოციური ნაბიჯების გადადგმა. მშვიდად პოულობს გამოსავალს.
მას არ უყვარს ჭორაობა - არ აქვს დრო უშინაარსო საუბრებისთვის. მასთან დიალოგი ყოველთვის საინტერესო, ინტელექტუალურია და ბევრ რამეს გასწავლით. ამ ტიპის გოგონასთან სასიყვარულო ურთიერთობა ნიშნავს, რომ პრივილეგირებული ხართ, რადგანაც შეგიძლიათ გქონდეთ ღრმა, ინტელექტუალური და საინტერესო დიალოგები.
ის აძლევს საყვარელ ადამიანს პირად სივრცეს - ესმის, რომ ყველა ადამიანს სჭირდება დრო საკუთარი თავისთვის. უყვარს თქვენ გვერდით დროის გატარება, მაგრამ ამავდროულად, ყოველთვის პოულობს გზას იმისთვის, რომ მოგცეთ საშუალება საკუთარ თავთან დარჩენის. აუცილებლად დაგიტოვებთ პირად სივრცეს.
გულწრფელია - ეს ქალი ყოველთვის ამბობს სიმართლეს, ყოველთვის გეუბნებათ იმას, რასაც ფიქრობთ. ტყუილის თქმას ურჩევნია, მწარე სიმართლე გითხრათ. არ ერიდება გამოხატოს თავისი გრძნობები. როცა მოწყენილია, გაბრაზებულია, ან რაიმეს ეშინია, ამას ამბობს ღიად და გულწრფელად, არ გეტყვით, რომ ყველაფერი კარგადაა.
ის მიისწრაფვის თავისი ოცნებებისკენ - იცის რა სურს, აქვს მიზანი და იცის, როგორ უნდა მიაღწიოს მას. ბევრს მუშაობს ოცნებების ასასრულებლად. ასეთ ქალთან სასიყვარულო ურთიერთობა ნიშნავს, რომ თქვენ ყოველთვის გექნებათ მოტივაცია, ძალა იმისა, რომ უფრო მეტი გააკეთოთ, უფრო მეტს მიაღწიოთ.
მას მეგობრების შესანიშნავი წრე ჰყავს - არ შეუძლია იყოს ჯიუტ, ეჭვიან, ყალბ ადამიანებთან. გვერდით გულწრფელი, სანდო და პოზიტიური მეგობრები ჰყავს, რომლებიც მზად არიან გვერდით დაუდგნენ და დაეხმარონ ნებისმიერ სიტუაციაში. და თუ თქვენ ასეთი ქალის სიყვარულის პრივილეგია გაქვთ, ეს ნიშნავს, რომ თავადაც პოზიტიური და სანდო ადამიანების გარემოცვაში იქნებით.
