თბილისში, თევდორე მღვდლის ქუჩაზე გაჩენილი ხანძარი ლოკალიზებულია - ამის შესახებ ინფორმაციას საგანგებო სიტუაციების მართვის სამსახური ავრცელებს.
უწყების ცნობით, დამწვარია სასაწყობე ფართი 200-250 კვ. მ. ფართობი.
მეხანძრე-მაშველების დროული რეაგირების შედეგად ცეცხლი არ გავრცელდა შენობაში.
შემთხვევის შედეგად არავინ დაშავებულა.
ადგილზე მუშაობს 16 სახანძრო-სამაშველო ჯგუფი.
