რამდენიმე მედიასაშუალებამ დღეს გაავრცელა ინფორმაცია იმის თაობაზე, რომ თითქოს თოქ-შოუ "პროფილი" დაიხურა და ბოლო გადაცემა ეთერში ხუთშაბათს გავა.
"რეიტინგი" ინფორმაციის გადასამოწმებლად გადაცემის პროდუსერს ნიკოლოზ ხაჩიძეს დაუკავშირდა.
გავრცელდა ინფორმაცია, რომ "პროფილი" იხურება, მართალია?
- ტყუილია ეს ინფორმაცია. ჩვეულ რეჟიმში ვმუშაობთ და "პროფილი" ყოველ ხუთშაბათს გავა ეთერში.
სხვადასხვა გამოცემები წერენ, რომ მაია ასათიანის ჯანმრთელობის მდგომარეობის გაუარესების გამო, ხუთშაბათს ეთერში "პროფილის" ბოლო გადაცემა გავა...
- მაია ასათიანი თავს შესანიშნავად გრძნობს, მიმდინარეობს ახალი გადაცემის ჩაწერა და დაგეგმვა. ასე, რომ ხუთშაბათს უცვლელ დროს ელოდება "პროფილი" თავის მაყურებელს.