ორი დღის წინ, 85 წლის ასაკში ცნობილი ამერიკელი მომღერალი ენდი უილიამსი გარდაიცვალა.
სიცოცხლის ბოლო წლებში მომღერალი კიბოთი იყო დაავადებული.
ენდი უიულიამსმა პოპულარობა წინა საუკუნის 60-იან წლებში მოიპოვა. მის მიერ შესრულებული კომპოზიცია „Moon River” აშშ-ში დღესაც დიდი წარმატებით სარგებლობს.
მომღერალი წარმოშობით აიოვას შტატის პატარა დასახლება უოლ ლეიკიდან გახლდათ. მუსიკალური კარიერა რვა წლის ასაკში ამავე ქალაქში დაიწყო. ის კვარტეტში „Williams Brothers Quartet” გამოდიოდა.
პირველი კომპოზიცია „Swinging on a Star” ბინგ ქროსბისთან ერთად 1944 წელს ჩაწერა. 1952 წელს ენდი უილიამსმა სოლო კარიერა წამოიწყო.
სხვადასხვა დროს უილიამსს 18 ოქროსა და სამი პლატინის ალბომი აქვს გამოცემული.
მუსიკოსს მისურის შტატის ქალაქ ბრენსონის სასაფლაოზე დაკრძალავენ.
