ტომ კრუზს საფრთხე ემუქრება

ტომ კრუზს საფრთხე ემუქრება

ბრიტანული გამოცემა „The Mail on Sunday”-ის მტკიცებით, ცნობილ ამერიკელ მსახიობ ტომ კრუზს დიდი საფრთხე ემუქრება.

ბოლო პერიოდში მსახიობი ჯგუფი „Anonymous”-ის წევრებისგან მუქარის წერილებს იღებს. ამ ორგანიზაციამ საიენტოლოგიის წინააღმდეგ მებრძოლად გამოაცხადა თავი.

კრუზმა საქმის კურსში აშშ-ის გამოძიების ფედერალური ბიურო უკვე ჩააყენა.  ამ დაწესებულებამ მას გაძლიერებული დაცვა უკვე გამოუყო.

მსახიობმა სპეციალური დაჯავშნული ავტომობილით გადაადგილება დაიწყო. ამის გარდა 5 მილიონ დოლარად შეფასებული მიწისქვეშა ბუნკერის მშენებლობაც წამოიწყო.