კომპანია „ჯორჯიან უოთერ ენდ ფაუერი" დღეს ღამით, ვაკის რაიონში, წყალსადენის მაგისტრალურ ქსელებზე  გადაუდებელ საავარიო–სარეაბილიტაციო სამუშაოებს განახორციელებს. კომპანია სამუშაოებს ერთდროულად რამდენიმე ადგილზე - ჭავჭავაძის გამზირსა და მრგვალ ბაღთან ჩაატარებს.

საავარიო–სარეაბილიტაციო სამუშაოების განხორციელების მიზნით,  დღეს, 29 იანვრის 24:00 საათიდან ხვალ, 30 იანვრის 08:00 საათამდე წყალმომარაგება შეუწყდება:

ვაკისა და საბურთალოს რაიონების ქუჩების ნაწილს, ასევე, მთაწმინდის რაიონის ზოგიერთ ქუჩას.

„ჯორჯიან უოთერ ენდ ფაუერი" შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება 30 იანვრის 08:00 საათიდან, ეტაპობრივად, სამუშაოების დასრულებისთანავე.

 წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის" ოფიციალურ Facebook-გვერდზე და ვებგვერდზე - http://www.georgianwater.com/ka/gadaudebeli/1685-tbilisis-zogiert-quchas-tskhalmomarageba-sheezghudeba

ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ).