ენერგეტიკის სამინისტროსა და “მტკვარი ენერგიას” შორის 16 ჰესის მშენებლობის შესახებ მემორანდუმი გაფორმდა

ენერგეტიკის სამინისტროსა და “მტკვარი ენერგიას” შორის 16 ჰესის მშენებლობის შესახებ მემორანდუმი გაფორმდა

ურთიერთგაგების მემორანდუმს ენერგეტიკის მინისტრმა კახა კალაძემ და კომპანია „მტკვარი ენერგიას” გენერალურმა დირექტორმა ანზორ კვარაცხელიამ მოაწერეს ხელი.

მემორანდუმი საქართველოს რამდენიმე რეგიონში ახალი ჰესების მშენებლობის მიზნით, პროექტების ტექნიკურ-ეკონომიკური კვლევის ჩატარებას გულისხმობს. კვლევა 27 თვეში უნდა დასრულდეს, რის შემდეგაც ჰესების ტექნიკური მონაცემები დაზუსტდება და ინვესტორი სამშენებლო სამუშაოების განსახორციელებლად კონკრეტულ პროცედურებს დაიწყებს.

კომპანია „მტკვარი ენერგია“ ტექნიკურ-ეკონომიკურ კვლევებს შემდეგ პოტენციურ პროექტებზე ჩაატარებს: „ხაშური ჰესი“ - დადგმული სიმძლავრე - 20,8 მგვტ; წლიური გამომუშავება - 104,5 მლნ კვტ.საათი. „ქვიშხეთი ჰესი“ - დადგმული სიმძლავრე - 25,3 მგვტ; წლიური გამომუშავება - 104,5 მლნ კვტ.საათი. „ოსიაური ჰესი“ - დადგმული სიმძლავრე - 20,8 მგვტ; წლიური გამომუშავება - 104,9 მლნ კვტ.საათი; „გომი ჰესი“ - დადგმული სიმძლავრე - 20,8 მგვტ; წლიური გამომუშავება - 105,2 მლნ კვტ.საათი. „ახალსოფელი ჰესი“ - დადგმული სიმძლავრე - 20,8 მგვტ; წლიური გამომუშავება - 96,1 მლნ კვტ.საათი. „ქარელი ჰესი“ - დადგმული სიმძლავრე - 17,3 მგვტ; წლიური გამომუშავება - 74,7 მლნ კვტ.საათი. „ურბნისი ჰესი“ - დადგმული სიმძლავრე - 19 მგვტ; წლიური გამომუშავება - 83,1 მლნ კვტ.საათი. „სკრა ჰესი“ - დადგმული სიმძლავრე - 17,3 მგვტ; წლიური გამომუშავება - 75,8 მლნ კვტ.საათი; „უფლისციხე ჰესი“ - დადგმული სიმძლავრე - 18,1 მგვტ; წლიური გამომუშავება - 97,3 მლნ კვტ.საათი. „გრაკალი ჰესი“ - დადგმული სიმძლავრე - 20,7 მგვტ; წლიური გამომუშავება - 111,7 მლნ კვტ.საათი. „კასპი ჰესი“ - დადგმული სიმძლავრე - 20,8 მგვტ; წლიური გამომუშავება - 108,6 მლნ კვტ.საათი. „ქსანი ჰესი“ - დადგმული სიმძლავრე - 37,3 მგვტ; წლიური გამომუშავება - 200,9 მლნ კვტ.საათი. „ფონიჭალა 3 ჰესი“ - დადგმული სიმძლავრე - 18,6 მგვტ; წლიური გამომუშავება - 138,6 მლნ კვტ.საათი. „ფონიჭალა 4 ჰესი“ - დადგმული სიმძლავრე - 18,6 მგვტ; წლიური გამომუშავება - 139,3 მლნ კვტ.საათი. „ნაგები ჰესი“ - დადგმული სიმძლავრე - 16,8 მგვტ; წლიური გამომუშავება - 128,3 მლნ კვტ.საათი. „რუსთავი ჰესი“ - დადგმული სიმძლავრე - 18,6 მგვტ; წლიური გამომუშავება - 141,7 მლნ კვტ.საათი.

მემორანდუმით გათვალისწინებული ასაშენებელი ჰესების ჯამური დადგმული სიმძლავრე 331,6 მგვტს შეადგენს, ხოლო წლიური გამომუშავება 1,815 მლრდ კვტ.საათს მიაღწევს.

პროექტების განხორციელებაში დაახლოებით, 600 მლნ დოლარი ინვესტიცია ჩაიდება.