არჩეულ პრეზიდენტს, სალომე ზურაბიშვილს ულტიმატუმი არავისთვის წაუყენებია, მან განაცხადა, რომ თუ გრიგოლ ვაშაძე აღიარებს პრეზიდენტად, ამის შემდეგ იფიქრებს, მოიწვიოს თუ არა ინაუგურაციაზე, – ამის შესახებ ლაშა ჟვანიამ ჟურნალისტებს განუცხადა, პრეზიდენტობის ყოფილი კანდიდატის, გრიგოლ ვაშაძის ინაუგურაციაზე მიწვევასთან დაკავშირებით.
„კახა კახიშვილი არის ინაუგურაციის მოსამზადებელი ჯგუფის ხელმძღვანელი. კანცელარიაში იქნება შეხვედრა 18:00 საათზე და ამ შეხვედრაზე უკვე გარკვეული მონახაზი გვექნება. არჩეულ პრეზიდენტს ულტიმატუმი არავისთვის წაუყენებია. მან განაცხადა, რომ თუ გრიგოლ ვაშაძე აღიარებს მას პრეზიდენტად, ამის შემდეგ იფიქრებს მოიწვიოს თუ არა ინაუგურაციაზე“, – აღნიშნა ლაშა ჟვანიამ.
