გრიგოლ ვაშაძის, თემურ ალასანიასა და მიხეილ სააკაშვილის ბიოგრაფიები „კა-გე-ბე“-სთან არის დაკავშირებული და ამ ადამიანებს შეუძლიათ, საკუთარ CV-ში ჩაიხედონ- ამბობს გედი ფოფხაძე, რომელიც ევროპარლამენტარების განცხადებებს გამოეხმაურა:
„ეს პოზიცია ევროპარლამენტიდან რომ არ მითხრან, იგივე პოზიცია ისედაც მაქვს. ქალი კანდიდატი ვისი კანდიდატიც არ უნდა ყოფილიყო, შეურაცხყოფასა და ცილისწამებაზე აგებული კამპანია არასწორი იყო და ასეთი რამ არ უნდა გავაკეთოთ. ეს ღირებულებების დონეზე არასწორი ქცევაა. ჩვენი ოპონენტების შემთხვევაში, მიზანი ნებისმიერ საშუალებას ამართლებს და ეს მათი მხრიდან გასაკვირი არ არის. ვაშაძის, ალასანიასა და სააკაშვილის ბიოგრაფიები „კა-გე-ბე“-სთან დაკავშირებულია და შეუძლიათ, CV-ში ჩაიხედონ. ეს მათ მიმართ ბრალდებაც არ არის, მათი ბიოგრაფიის შეხსენებაა საზოგადოებისთვის“, – განაცხადა ფოფხაძემ.
