სოციალურ ქსელში მამა პეტრე კოლხი შემდეგი სახის პოსტს აქვეყნებს:
„ახლაც ვმალავ ცრემლს. უამრავი წერილი მომდის... ზოგს კი ჰგონია, ტკივილის თემა მოძველებულია, რაღა დროს აფხაზეთია, მაგრამ ჩვენ ასე არ ვფიქრობთ... ძალიანაც რომ მოინდომო, ტკივილს ვერ ივიწყებ, ის თავს სულ გახსენებს...
არასდროს ვყოფილვარ აფხაზეთში, ილორში ნათლობას თუ არ ჩავთვლი, მაგრამ ჩემი მეუღლის, იქიდან წამოსული ადამიანების თვალებში ცის სიღრმეში აფრენილ თოლიას, ტროპიკულ წვიმებს, ზღვის ტალღების ხმაურს, პალმების შრიალს რომ ვუყურებ, მეც იქიდან ვარ... დიახ, იქიდან ვართ ყველა და მე ნათლაც ვხედავ, რომ ამ სიმღერამ ყველა გაგვაერთიანა...
ყველა ერთი გავხდით...
იესო გვიძღოდეს იმ გზაზე, რომელიც აქამდე აკრძალულია!..“ - წერს პეტრე კოლხი.
