აშშ-ს ადმინისტრაციამ უკრაინისთვის ტანკსაწინააღმდეგო სარაკეტო კომპლექს „ჯაველინების“ მიყიდვის შესახებ გადაწყვეტილება მიიღო. ამის შესახებ აშშ-ს თავდაცვის დეპარტამენტის თავდაცვისა და უსაფრთხოების სამმართველოში განაცხადეს.
როგორც განცხადებაშია აღნიშნული, „უკრაინის მთავრობამ Javelin-ის 210 რაკეტის შესყიდვა მოითხოვა, ხოლო გარიგების ღირებულება 47 მილიონ აშშ დოლარს შეადგენს“.
აშშ-ს თავდაცვის დეპარტამენტში აღნიშნავენ, რომ აღნიშნული კომპლექსის უკრაინისათვის მიწოდება უკრაინის უსაფრთხოებას გააძლიერებს.
„Javelin-ის სისტემა უკრაინას საშუალებას მისცემს გრძელვადიანი თავდაცვითი შესაძლებლობები შექმნას თავისი სუვერენიტეტისა და ტერიტორიული მთლიანობის დასაცავად“, - განაცხადეს უწყებაში.
