უკრაინის გენერალური პროკურორის, იური ლუცენკოს განცხადებით, ამ დროისთვის საქართველოს ექსპრეზიდენტის, მიხეილ სააკაშვილის სტატუსია „პატიმრობიდან გაქცეული“, პროკურორებს კი, შეუძლიათ მისთვის გაცილებით მკაცრი სასჯელის მოთხოვნა, ვიდრე შინაპატიმრობაა.
„სააკაშვილის სტატუსია - ადამიანი, რომელიც პატიმრობიდან გაიქცა. ეს ეჭვქვეშ აყენებს ჰუმანური პროკურატურის შესაძლებლობას, ხვალ ან მომდევნო დღეებში შესთავაზონ შინაპატიმრობა. ჩვენ ამაზე ძალიან ბევრს ვიფიქრებთ, მაგრამ ვიფიქრებთ, პირველ რიგში, უკრაინის სახელმწიფოზე“, - განაცხადა იური ლუცენკომ დღეს, უმაღლეს რადაში გამოსვლისას.
