სასამართლო რეფორმის მე-4 ეტაპზე მუშაობა საქართველოს პარლამენტის იურიდიული კომიტეტის თავმჯდომარის ხელმძღვანელობით გრძელდება.
სამუშაო ჯგუფის მორიგი შეხვედრა მიმდინარეობს ბორჯომში, სასტუმრო „რიქსოსში".
ღონისძიებაში მონაწილეობას იღებენ ხელისუფლების სამივე შტოს - საკანონმდებლო, აღმასრულებელი და სასამართლო ხელისუფლების წარმომადგენლები, ასევე საერთაშორისო ორგანიზაციების წარმომადგენლები და ადგილობრივი და საერთაშორისო ექსპერტები. კერძოდ ევროკავშირის, ევროსაბჭოს , აშშ საელჩოს , USAID-ის, PROLoG-ის მონაწილეობით.
სამუშაო შეხვედრა 3 დეკემბერს იურიდიულ საკითხთა კომიტეტის თავმჯდომარე ეკა ბესელიას მოდერაციით წარიმართა. მისასალებელი სიტყვით მიმართა საქართველოს პარლამენტის თავმჯდომარემ ირაკლი კობახიძემ და უზენაესი სასამართლოს თავმჯდომარემ ნინო გვენეტაძემ, ასევე ევროკავშირის, ევროსაბჭოს და USAID-ის წარმომადგენლებმა.
ორდღიანი სამუშაო შეხვედრის მომონაწილეები ღონისძიების ფარგლებში იხილავენ შემდეგ საკითხებს: საქმეთა ნაკადის მართვა და საკანონმდებლო ცვლილებები; დისციპლინური სამართალწარმოება და პასუხისმგებლობის საფუძვლები. სამუშაო შეხვედრა დღეს დასრულდება.