მიხეილ სააკაშვილი არის კერძო პირი და ის არ არის მაღალი დონის დისკუსიების განხილვის საგანი, - ამის შესახებ ჟურნალისტებს უკრაინის ელჩმა საქართველოში იგორ დოლგოვმა განუცხადა.
მისი თქმით, უკრაინის პრემიერ-მინისტრ ვოლოდიმირ გროისმანის საქართველოში ვიზიტის ფარგლებში ექს-პრეზიდენტ მიხეილ სააკაშვილის ექსტრადირების საკითხი არ განიხილება.
„ის ახლა არის კერძო პირი უკრაინაში და ეს არ არის ოფიციალური მოლაპარაკებების განხილვის საგანი. ის არ არის ოპოზიციის ერთადერთი ლიდერი, არც უკრაინაში, არც - საქართველოში. თუ გაქვთ კითხვები საქართველოს ყოფილ პრეზიდენტთან მიმართებაში, თვითონ მას ჰკითხეთ, მე არა. ჩვენ ვერ ვხედავთ პრობლემას, ის აგრძელებს უკრაინაში ყოფნას, პოლიტიკურ აქტიურობას, რომელიც, სიმართლე გითხრათ, არც ძალიან პოპულარულია“, - განაცხადა იგორ დოლგოვმა.
