საქართველოს მთავრობის ადმინისტრაციაში, საქართველოსა და უკრაინის პრემიერ-მინისტრების პირისპირ შეხვედრა მიმდინარეობს.
პირისპირ შეხვედრის შემდეგ, ორი ქვეყნის მთავრობის წევრების მონაწილეობით, გაფართოებული ფორმატის შეხვედრა გაიმართება. მოგვიანებით კი გიორგი კვირიკაშვილი და ვოლოდიმირ გროისმანი მედიისთვის განცხადებებს გააკეთებენ.
უკრაინის პრემიერ-მინისტრი ვოლოდიმირ გროისმანი საქართველოს გუშინ ეწვია.
ოფიციალური ვიზიტის ფარგლებში, იგი ეწვევა საქართველოს თავდაცვის სამინისტროს სარეაბილიტაციო ცენტრს წეროვანში, ასევე, გვირგვინით შეამკობს გმირთა მემორიალს თბილისში.
ხვალ კი, უკრაინელი სტუმარი, საქართველოს პრემიერ-მინისტრთან ერთად, სიტყვით გამოვა თბილისის აბრეშუმის გზის ფორუმის გახსნით სესიაზე, ასევე, მონაწილეობას მიიღებს თემატურ დისკუსიაში - High Level Dialogue on Belt and Road Connectivity for Stability.
ოფიციალური ვიზიტის დასასრულს, საქართველოს პრემიერ-მინისტრი უკრაინელ კოლეგას, სამთავრობო დელეგაციასთან ერთად, ოფიციალურ სადილზე უმასპინძლებს.
