ბერი გაბრიელ სალოსის გამზირზე მიმდინარე სპეცოპერაციისას დაჭრილი სპეცრაზმელი გარდაიცვალა. ამის შესახებ ჟურნალისტებს ინგოროყვას კლინიკის ექიმმა რამდენიმე წუთის წინ განუცხადა.
"პაციენტი მკურნალობის პერიოდში იყო კრიტიკული, მძიმე. გამოხატული იყო ქალა-ტვინის მძიმე ტრავმა, სახის ძვლების მრავლობითი მოტეხილობა, მრავლობითი სისხლჩაქცევები, ქალის ფუძის მრავლობითი მოტეხილობა. ტრავმა სიცოცხლისათვის შეუთავსებელი იყო. სამწუხაროდ პაციენტი გარდაიცვალა", - განუცხადა ჟურნალისტებს ინგოროყვას კლინიკის გადაუდებელი მედიცინის დეპარტამენტის ხელმძღვანელმა, ექიმმა რეანიმატოლოგმა კონსტანტინე მუმლაძემ.