ბინაში ცხოვრობს ჩეჩენი ოჯახი, მგონი პანკისიდან არიან, - ამის შესახებ ჟურნალისტებს გაბრიელ სალოსის ქუჩის ერთ-ერთმა მცხოვრებმა განუცხადა, სადაც სპეცოპერაცია მიმდინარეობს.
მისი თქმით, ოჯახი ამ კორპუსის ერთ-ერთ ბინაში წლებია ცხოვრობს.
„დიდი ხანია, წლებია ცხოვრობენ ამ კორპუსში. პატარა ბავშვებიც ჰყავთ. იმ კორპუსის კედლებია დაზიანებული, სადაც ისინი ცხოვრობდნენ“, - განაცხადა გაბრიელ სალოსის ქუჩაზე მცხოვრებმა.
ადგილზე სპეცოპერაცია, რომელიც წუხელ დაიწყო, ამ დრომდე გრძელდება.