უმრავლესობის ლიდერი არჩილ თალაკვაძე პრემიერ-მინისტრის განცხადებას საარჩევნო გარემოსთან დაკავშირებით დადებითად აფასებს. მისი თქმით, ეს არის გზავნილი, თუ რამდენად მნიშვნელოვანია ქვეყანაში არჩევნები.
,,პრემიერ-მინისტრის განცხადება მხოლოდ დადებითად მოქმედებს წინასაარჩევნო გარემოზე და არჩევნების ჩატარებაზე მშვიდობიან და თანაბარ პირობებში. ეს არის გზავნილი ყველა ადამიანის მიმართ, მათ შორის საჯარო მოხელეების, საარჩევნო ადმინისტრაციის და უბრალო ამომრჩევლის მიმართ, რომ ამ არჩევნებს ნამდვილად აქვს დიდი მნიშვნელობა არსებული პრობლემების გადასაჭრელად. პრემიერის განცხადება არის ლიდერის განცხადება, რომელსაც აინტერესებს, რომ თავისუფალი არჩევნები ჩატარდეს ქვეყანაში", - აღნიშნა თალაკვაძემ.
გიორგი კვირიკაშვილმა მოუწოდა სახელმწიფო უწყებებს, არავის მისცენ საბაბი, რომ ერთი სიტყვა მაინც თქვან ადმინისტრაციული რესურსის გამოყენებაზე.
