როდესაც რომელიმე ჩვენს განცხადებას ისეთ ინტერპრეტაციას მისცემ, რომ ამით თითქოს რუსეთის რაიმე მოქმედება მართლდება, როგორც მინიმუმ ეს არის პოლიტიკური სიბეცე.
არავისთვისაა უცხო, რომ ოკუპანტის მიზანმიმართულ მოქმედებებს წინა ხელისუფლებამ უგუნური პოლიტიკა დაუპირისპირა, რამაც მათ კიდევ უფრო გაუხსნა ხელ-ფეხი. საქართველოს ხელისუფლება ყველაფერს აკეთებს, რომ ყველა მექანიზმი, მათ საერთაშორისო პარტნიორების მხარდაჭერით, დაუპირისპიროს ოკუპანტი მხარის ნებისმიერ უკანონო მოქმედებას, რომლებსაც ბოლო დროსაც აქვს ადგილი. ჩვენი ქვეყანა და ხალხი არასდროს შეეგუება საკუთარ ტერიტორიაზე სხვა ქვეყნის სამხედრო ძალების თავნებობას.
