”სასამართლოს მეგობრის” სტატუსი პრეზიდენტის ინსტიტუტთან შეუთავსებელია, - ამის შესახებ ჟურნალისტებს პარლამენტის თავმჯდომარემ, ირაკლი კობახიძემ განუცხადა.
”სამწუხაროა, რომ ასეთი გადაცდომები პრეზიდენტის ადმინისტრაციას ხშირად ახასიათებს”, - აღნიშნა ირაკლი კობახიძემ.
რაც შეეხება ე.წ. მოსმენების შესახებ კანონთან დაკავშირებით, პრეზიდენტის მიმართვას საკონსტიტუციო სასამართლოსადმი, კობახიძემ განაცხადა, რომ მოსმენების კანონზე პრეზიდენტის პოზიცია ცნობილია.
შეგახსენებთ, რომ საქართველოს პრეზიდენტი გიორგი მარგველაშვილი ე.წ. მოსმენების კანონის პაკეტთან დაკავშირებით სასამართლოს მეგობრის სტატუსით საკონსტიტუციო სასამართლოს მიმართავს და საქართველოს კონსტიტუციასთან და საქართველოს საკონსტიტუციო სასამართლოს გადაწყვეტილებასთან შეუსაბამო მუხლების გაუქმებას ითხოვს.
