საქართველოს პარლამენტის დელეგაციის წევრებმა კიევში, ეროვნულ-დემოკრატიული ინსტიტუტის (NDI) და გაეროს განვითარების პროგრამის (UNDP) მიერ ორგანიზებულ შეხვედრებში მიიღეს მონაწილეობა.

ეროვნულ-დემოკრატიული ინსტიტუტის (NDI) მიერ ორგანიზებულ შეხვედრას, რომელიც ეთიკისა და გამჭვირვალობის საკითხებს ეხებოდა, ღია და გამჭვირვალე მუდმივმოქმედი საპარლამენტო საბჭოს თავმჯდომარე, საქართველოს პარლამენტის ევროპასთან ინტეგრაციის კომიტეტის თავმჯდომარის პირველი მოადგილე, ირინა ფრუიძე, საქართველოს პარლამენტის თავმჯდომარის თანაშემწე ნინო ბერაძე და ახალგაზრდა იურისტთა ასოციაციის წარმომადგენელი ნინო ცუხიშვილი ესწრებოდნენ.

ღონისძიების ფარგლებში სესია საქართველოს პარლამენტს დაეთმო. ღია და გამჭვირვალე მმართველობა საქართველოს საპარლამენტო საბჭოს თავმჯდომარემ ირინა ფრუიძემ, საქართველოს პარლამენტის ღია მმართველობის პარტნიორობაში აქტიური ჩართულობისა და 2017-2018 წლის სამოქმედო გეგმის შესახებ ისაუბრა.

დღესვე, გაეროს განვითარების პროგრამის (UNDP) მიერ ორგანიზებული შეხვედრა, „რეგიონული მრგვალი მაგიდა - პარლამენტი და მდგრადი განვითარების მიზნები" გაიმართა. შეხვედრაზე საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, ღია და გამჭვირვალე მმართველობის მუდმივმოქმედი საპარლამენტო საბჭოს წევრმა, კახა კუჭავამ გარემოს დაცვისა და ბუნებრივი რესურსების მიმართულებით, მდგრადი განვითარების მიზნების განხორციელების შესახებ ისაუბრა.

შეხვედრებში მონაწილეობას 10 ქვეყნის 25 დეპუტატი იღებს.

19-20 მაისს, უკრაინაში, გლობალური საკანონმდებლო ღიაობის კონფერენცია გაიმართება, რომელშიც საქართველოს პარლამენტიდან ღია და გამჭვირვალე მმართველობის მუდმივმოქმედი საპარლამენტო საბჭოს თავმჯდომარე ირინა ფრუიძე, საბჭოს წევრები: გიორგი კახიანი, კახა კუჭავა, ოთარ კახიძე და საქართველოს პარლამენტის აპარატის უფროსი ნიკოლოზ ნათენაძე მიიღებენ მონაწილეობას.

·