თამარ ჩუგოშვილი, პარლამენტის თავმჯდომარის პირველი მოადგილე სტრასბურგში ვიზიტის ფარგლებში 25 აპრილს ვენეციის კომისიისმდივანს თომას მარკერტს შეხვდება და სახელმწიფო საკონსტიტუციო კომისიის მუშაობის დასრულების შესახებ შემაჯამებელინფორმაციას მიაწვდის.

„მე, როგორც კომისიის მდივანს, ბუნებრივია, სურვილი მაქვს შეხვდე და შემაჯამებელი ინფორმაცია მივაწოდო ვენეციის კომისიას როგორცსაკონსტიტუციო კომისიის მუშაობის ბოლო ეტაპის, ისე იმ ცვლილებების შესახებ, რომელიც საკონსტიტუციო კომისიამ ორი დღის წინდაამტკიცა“, - განაცხადა თამარ ჩუგოშვილმა, სახელმწიფო საკონსტიტუციო კომისიის მდივანმა.

მისივე თქმით, კონსტიტუციის გადასინჯვის პროექტის ინიცირებასთან ერთად როგორც კი პროექტის ინგლისური ვერსია მზად იქნება, პარლამენტი ოფიციალურად გაუგზავნის კანონპროექტს ვენეციის კომისიას ექსპერტიზისთვის.

„ჩვენ რომ არ მივიღოთ არც ჩვენი და არც სხვისი სუბიექტური ინტერესებიდან გამომდინარე გადაწყვეტილება და ქვეყნისთვის საუკეთესოკონსტიტუცია გვქონდეს, სწორედ ამიტომ ვამბობთ, რომ ამოსავალი არის ვენეციის კომისიის ობიექტური ექსპერტების მოსაზრება“, - განაცხადა თამარ ჩუგოშვილმა.

საქართველოს პარლამენტის დელეგაცია, თამარ ჩუგოშვილის ხელმძღვანელობით,  სტრასბურგს ევროპის საბჭოს საპარლამენტო ასამბლეისსაგაზაფხულო სესიის ფარგლებში 24-28 აპრილს სტუმრობს.