ამერიკის შეერთებულმა შტატებმა, შესაძლოა, გაეროს ადამიანის უფლებათა საბჭო დატოვოს. ინფორმაციას ამის შესახებ ამერიკული გამოცემა Politico ორ წყაროზე დაყრდნობით ავრცელებს. გამოცემის თანახმად, აღნიშნულ შესაძლებლობას ტრამპის ადმინისტრაცია უკვე განიხილავს.
Politico-ს ცნობით, აშშ-ის მიერ საერთაშორისო უფლებადამცველი ორგანოს დაუყოვნებლივ დატოვებას არ უნდა ველოდოთ. საკითხთან დაკავშირებით გადაწყვეტილება ქვეყნის სახელმწიფო მდივანმა რექს ტილერსონმა, გაეროში აშშ-ის მუდმივმა წარმომადგენელმა ნიკი ჰეილიმ და თავად თეთრი სახლის ლიდერმა დონალდ ტრამპმა უნდა მიიღონ.
არსებული ინფორმაციით, ოფიციალური ვაშინგტონი ისრაელისადმი საბჭოს დამოკიდებულებითა და მის შემადგენლობაში ადამიანის უფლებათა დამრღვევი სახელმწიფოების ყოფნითაა უკმაყოფილო.
