ევროკავშირის ელჩებმა მწვანე შუქი მისცეს შეჩერების მექანიზმს და საქართველოს ვიზალიბერალიზაციას. ევროკავშირის მინისტრები ამას 27 თებერვალს დაამტკიცებენ, - ამის შესახებ „რადიო თავისუფლების“ ბრიუსელის ბიუროს რეპორტიორი რიკარდ იოზვიაკი „ტვიტერის“ პირად გვერდზე წერს.
დღეს, ევროპარლამენტის მიერ გამოტანილ გადაწყვეტილებაზე თანხმობის მიცემასთან დაკავშირებით COREPER-ის (ევროკავშირის წევრი ქვეყნების მუდმივ წარმომადგენელთა კომიტეტი) ტექნიკური სხდომა იყო დანიშნული. ამის შემდეგ, თებერვლის ბოლოს, საკითხს ევროკავშირის საბჭო განიხილავს.
ევროკავშირის წევრი ქვეყნების მუდმივ წარმომადგენელთა კომიტეტი
ევროპარლამენტმა საქართველოს მოქალაქეებისთვის უვიზო რეჟიმის შემოღებას 2 თებერვალს გამართულ პლენარულ სხდომაზე დაუჭირა მხარი.
ვიზალიბერალიზაციის ამოქმედების შემდეგ, ბიომეტრიული პასპორტების მქონე საქართველოს მოქალაქეები შენგენის ზონაში უვიზოდ მიმოსვლას შეძლებენ.
