ძალები, რომლებიც სისხლიანი ტერორისტული აქტების უკან დგანან, ვერ მიაღწევენ თავიანთ მიზნებს, - განაცხადა თურქეთის პრემიერ-მინისტრმა ბინალი ილდირიმმა პარლამენტში სიტყვით გამოსვლისას. 

მისი თქმით, გარკვეული ძალები ცდილობენ გახლიჩონ თურქული საზოგადოება.

„თურქეთი სამართლებრივი სახელმწიფოა, სადაც ყველა რელიგიების წარმომადგენლები კანონის დაცვის ქვეშ არიან“, - აღნიშნა ილდირიმმა.

პრემიერმა ასევე ყურადღება გაამახვილა „ევფრატის ფარის“ ოპერაციაზე.

„133 დღის განმავლობაში სირიაში „დაეშის“ (ე.წ. „ისლამური სახელმწიფოს“ არაბული აკრონიმი) 1270 ტერორისტია განადგურებული“, - თქვა თურქეთის პრემიერ-მინისტრმა. 

„მხოლოდ თურქეთი ებრძვის ჭეშმარიტად ტერორისტებს, ხოლო სხვები მხოლოდ საუბრობენ. აშშ არაფერს აკეთებს ტერორისტების წინააღმდეგ საბრძოლველად, ისევე როგორც სხვები. მხოლოდ ყბედობენ“, - დასძინა თურქეთის პრემიერმა