ნამდვილად ვისარგებლებდი სამთავრობო ინიციატივით, მაგრამ სესხი, რომელიც 2014 წელს ავიღე, ფაქტობრივად უკვე გასტუმრებული მაქვს, - განაცხადა პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა.
ქუმსიშვილმა კომენტარი გააკეთა ცალკეულ მედია საშუალებებით გავრცელებულ ინფორმაციზე, რომ 2015 წლის უძრავი ქონების უზრუნველყოფით გაცემული სესხების ლარში კონვერტაციის შესახებ საქართველოს მთავრობის ინიციატივით მაღალი თანამდებობის პირებმა შეიძლება ისარგებლონ.
დიმიტრი ქუმსიშვილის განცხადებით, მთავრობის ინიციატივა საქართველოს მოსახლეობის დიდ ნაწილს ფინანსურ ტვირთს მნიშვნელოვნად შეუმსუბუქებს.
