ბრიტანული გამოცემა “The Sun”-ის ინფორმაციით, ცნობილი მუსიკოსი რინგო სტარი მარტორქების გადარჩენის პროგრამას შეუერთდა.
მსოფლიოში ამ ცხოველების რაოდენობა კატასტროფულად მცირდება. ორი დღის წინ “The Beatles”-ის ყოფილმა მედოლემ საკუთარ ვებ-გვერდზე განაცხადა, რომ უახლოეს დღეებში ორგანიზაცია “The David Sheldrick Wildlife Trust”-ის წევრი გახდება.
ზემოთდასახელებული კომპანია 1977 წელს კენიაში ჩამოყალიბდა. ის აფრიკის კონტინენტზე მარტორქების თანდათან გაქრობის წინააღმდეგ იბრძვის. გამოჩენილ მედოლეს ამ ორგანიზაციის საბანკო ანგარიშზე ნახევარი მილიონი გირვანქა სტერლინგის გადარიცხვა სურს.
საქველმოქმედო საქმიანობის პარალელურად რინგო სტარი აქტიურ მესიკალურ მოღვაწეობასაც აგრძელებს. მიმდინარე წლის ივლისში მუსიკოსი და მისი ჯგუფი მსოფლიო საგასტროლო ტურნეში გაემგზავრება. პირველი კონცერტი 21 ივლისს, ქალაქ ლოს-ანჯელესშია დაგეგმილი.
