თურქეთის ქალაქ დიარბაკირში მომხდარი აფეთქების შედეგად დაღუპულთა და დაშავებულთა რიცხვი გაიზარდა.
ტელეკომპანია „ალ ჯაზირას“ ცნობით, დაღუპულია 7 ადამიანი. თავის მხრივ, თურქეთის სახელმწიფო საინფორმაციო სააგენტო „ანადოლუ“ იტყობინება, რომ დაშავებულთა რაოდენობამ 70-ს გადააჭარბა.
მანამდე ვრცელდებოდა ინფორმაცია 3 დაღუპულსა და 40 დაშავებულზე.
პროვინცია ვანის ქალაქ დიარბაკირში დანაღმული ავტომობილი პოლიციის განყოფილების შენობასთან გუშინ აფეთქდა.
პასუხისმგებლობა მომხდარისთვის ჯერჯერობით არც ერთ დაჯგუფებას არ აუღია.
