2011-2015 წლებში სირიის ციხეებში 18 000-მდე ადამიანი დაიღუპა, - ასეთია საერთაშორისო უფლებადამცველი ორგანიზაცია Amnesty International-ის ანგარიში, რომელიც 65 ყოფილი პატიმრის მონათხრობს შეიცავს.
დოკუმენტის თანახმად, პატიმრების წინააღმდეგ წამებას, ფიზიკურ შეურაცხყოფას, სექსუალურ ძალადობასა და სხვა მეთოდებს იყენებდნენ.
Amnesty International-ის რეგიონული წარმომადგენლობის დირექტორის, ფილიპ ლუთერის ცნობით, სირიის მთავრობა ოპოზიციურ საქმიანობაში ეჭვმიტანილი მოქალაქეების წინააღმდეგ წამების მეთოდებს დღესაც იყენებს.
