ამერიკის შეერთებული შტატების თავდაცვის მინისტრმა ეშტონ კარტერმა რუსეთი ოფიციალური ვაშინგტონის თხოვნების უგულებელყოფაში დაადანაშაულა. კარტერის განმარტებით, მათ რუსეთის შეიარაღებულ ძალებს იმ დაჯგუფებების დაბომბვისგან თავის შეკავება სთხოვეს, რომლებიც აშშ-ს ტერორისტული ორგანიზაცია „ისლამური სახელმწიფოს“ წინააღმდეგ ბრძოლაში ეხმარებიან.
მინისტრის თქმით, რუსეთი ან განგებ უგულებელყოფს აშშ-ს თხოვნებს, ან ქვეყანას ძალიან ცუდი დაზვერვის სამსახური ჰყავს.
აშშ-ს თავდაცვის მინისტრის განმარტებით, სრულიად გაუგებარია, რატომ ესხმის თავს რუსეთი იმ შეიარაღებულ ძალებს, რომლებიც „ისლამური სახელმწიფოს“ წინააღმდეგ იბრძვიან, თუ კრემლის ნამდვილი მიზეზი ექსტრემისტული დაჯგუფების განადგურებაა.
ცნობილი გახდა, რომ აშშ-ს სახელმწიფო დეპარტამენტის, სულ მცირე 50-მა თანამშრომელმა ხელი მოაწერა შიდა მემორანდუმს, რომელიც ბარაკ ობამას სირიულ პოლიტიკას აკრიტიკებს და თავდასხმებისკენ მოუწოდებს.
