რუსეთის საგარეო საქმეთა მინისტრი, სერგეი ლავროვი სომხეთის საგარეო უწყების ხელმძღვანელთან შეხვედრას გეგმავს.
რუსული მედიის ცნობით, შეხვედრა 8 აპრილს მოსკოვში გაიმართება. უცნობია დაგეგმილი შეხვედრის დეტალები, თუმცა, როგორც მოსალოდნელია, შეხვედრა მთიანი ყარაბაღის საკითხს მიეძღვნება.
მთიანი ყარაბაღის კონფლიქტის ზონაში შეიარაღებული დაპირისპირება 2 აპრილს განახლდა. თუმცა, გუშინ მხარეებმა ცეცხლის შეწყვეტის შესახებ განაცხადეს. გავრცელებული ცნობით, ამ დროისთვის კონფლიქტის ზონაში სიმშვიდეა.
