ნატო-ში რუსეთის მუდმივმოქმედმა წარმომადგენელმა ალექსანდრე გრუშკომ განაცხადა, რომ საქართველოს და უკრაინის ჩრდილოატლანტიკურ ალიანსში გაწევრიანება ევროპას მასშტაბური კრიზისის პირას მიიყვანს.
ამის შესახებ რუსეთის წარმომადგენელმა ერთ-ერთი რუსული არხის ეთერში განაცხადა.
„წარმოუდგენელია, რომ ამ ქვეყნებს ნატო-ში გაწევრიანების იმედი ჰქონდეთ და რომ ალიანსი რეალურად მიიღებს მათ თავის რიგებში, რადგან ეს სიტუაციას არევს და ამ ქვეყნების გაწევრიანება ევროპას წარმოუდგენელი მასშტაბის კრიზისის პირას მიიყვანს“, - აღნიშნა რუსეთის მუდმივმოქმედმა წარმომადგენელმა.
