თბილისის ახალ სპორტის სასახლეში დაწყებულ ძიუდოისტთა გრან-პრის პირველ დღეს საქართველოს ნაკრებმა ოქროს და ბრინჯაოს მედლები მოიპოვა. ტურნირის გამარჯვებული 66 კგ-მდე წონით კატეგორიაში ვაჟა მარგველაშვილი გახდა, ხოლო ბრინჯაო 60 კგ-ში ამირან პაპინაშვილმა მოიპოვა.
მარგველაშვილმა პირველ წრეში საუდის არაბეთის წარმომადგენელ სულაიმან ჰამადს სუფთად აჯობა, შემდეგ კი უკრაინელთა ქართველ ევროპისა და მსოფლიოს ჩემპიონ გიორგი ზანთარაიას იპონით მოუგო. ამის შემდეგ ვაჟამ იპონითვე ჩამოიცილა გზიდან თურქი სინან სანდალი და ებრაელი ტალ ფლიკერი, გადამწყვეტ შეხვედრაში კი იტალიელ ფაბიო ბასილეს ვაზარით სძლია.
პაპინაშვილმა ბრინჯაოსთვის შეხვედრაში თურქეთის სახელით მოჭიდავე ბეკირ ოზლუს, იმავე ბეთქილ შუკვანს სუფთად მოუგო.
გოგონათა შორის ბრინჯაოს მედლისთვის იბრძოლა მარიამ ჯანაშვილმაც (52), მაგრამ გადამწყვეტ შეხვედრაში სამხრეთკორეელ მი-რი კიმთან დამარცხდა.
60 კგ-მდე წონით კატეგორიაში პირველივე ორთაბრძოლები დათმეს ირაკლი კუპატაძემ, ლუხუმ ჩხვიმიანმა და ივანე ჯავახიშვილმა. 66-ში კი სასტარტო შეხვედრები გელა კეხილაშვილმა, გიორგი გუგულაშვილმა და ბექა შავდათუაშვილმა წააგეს.
ქალთა ტურნირში 57 კგ-მდე წონით კატეგორიაში მარიამ ციხელაშვილმაც იჭიდავა, თუმცა პირველივე წრეში დამარცხდა.
