შპს "სტუდია მაესტროს" გენერალური დირექტორი ლევან გაჩეჩილაძე დღეს ტელეკომპანიის თანამშრომლებს შეხვდება. ინფორმაცია ამის შესახებ "ინტერპრესნიუსს" თავად გაჩეჩილაძემ დაუდასტურა.
შპს "სტუდია მაესტროს" გენერალური დირექტორის განცხადებით, შეხვედრა 17:00 საათზე, მასთან სახლში გაიმართება.
როგორც გაჩეჩილაძემ აღნიშნა, საუბარი "ყველა საკითხს" შეეხება. მისივე თქმით, შეხვედრას ტექნიკურ პერსონალთან ერთად, ჟურნალისტებიც დაესწრებიან.
"ვის რა პრობლემა აწუხებს აქ გაირკვევა", - განაცხადა გაჩეჩილაძემ.
რაც შეეხება "მაესტროს" თანამშრომლებისთვის შეთავაზებულ იურიდიულ დახმარებას, გაჩეჩილაძის თქმით, დღევანდელ შეხვედრას ადვოკატები არ დაესწრებიან.
"ვეტყვი სად არის ოფისი და თუ ვინმეს სურვილი ექნება მივა თავად", - აღნიშნა გაჩეჩილაძემ.
