უფრო მეტი ხელშესახები მხარდაჭერა უნდა მივცეთ აღმოსავლეთ პარტნიორებს, არა მხოლოდ უკრაინას, არამედ მოლდოვასა და საქართველოს", - ამის შესახებ ლიტვის საგარეო საქმეთა მინისტრის, ლინას ლინკევიჩიუსის თქმით, ევროკავშირში გამართულ შეხვედრაზე განაცხადეს, რომელიც რუსეთთან ურთიერთობების განსაზღვრას მიეძღვნა.
Euractiv-ისთვის მიცემულ ინტერვიუში ლინკევიჩიუსმა ასევე განაცხადა, რომ შეხვედრაზე ევროკავშირის ლიდერებმა იმსჯელეს მინსკის შეთანხმების განხორციელებასა და რუსეთში სამოქალაქო საზოგადოების მნიშვნელობაზე.
"უკვე ზედიზედ მესამე წელია, ლიტვა რუსულ ფორუმს მართავს, რაც ძალიან წარმატებული ღონისძიებაა. ჩვენ ვიწვევთ რუსეთის ოპოზიციას, პოლიტოლოგებს, ჟურნალისტებს, შემოქმედებით ადამიანებს, რათა ვიმსჯელოთ რუსეთის მომავალზე ევროპასთან ერთად. ასევე ვმსჯელობთ იმაზე, თუ როგორ შეიძლება რუსეთთან კომუნიკაცია", - აღნიშნა ლინკევიჩიუსმა.
მან უკრაინისათვის ვიზალიბერალიზაციის მინიჭების საკითხზეც ისაუბრა და განაცხადა, რომ ეს ნაბიჯი ევროკავშირმა უკრაინაში დიდი პროგრესის საფუძველზე გადადგა. "მათ მიიღეს ოთხი ძალიან მნიშვნელოვანი კანონი. ისინი ძალიან კარგად მიდიან არჩეულ გზაზე და სავიზო რეჟიმის გამარტივება უნდა მოხდეს", - აღნიშნა ლიტვის საგარეო საქმეთა მინისტრმა.
