ნიდერლანდებში მოსახლეობის უმრავლესობას სურს, რომ ქვეყნის ევროკავშირში დარჩენა-არდარჩენის საკითხზე რეფერენდუმი ჩატარდეს.
როგორც ადგილობრივი მედია იტყობინება, შესაბამისი კვლევა ჰოლანდიურმა სოციოლოგიურმა კომპანია "Maurice de Hond"-მა ჩაატარა.
კვლევის თანახმად, გამოკითხულთა 53% რეფერენდუმის ჩატარების მომხრეა.
გარდა ამისა, რეფერენდუმი დღეს რომ ჩატარებულიყო, გამოკითხულთა 44% ევროკავშირში დარჩენას დაუჭერდა მხარს, 43% კი ამის წინააღმდეგი იქნებოდა.
