პარლამენტის ადამიანის უფლებათა დაცვის კომიტეტის თავმჯდომარე, ეკა ბესელია "ნაციონალური მოძრაობის" წარმომადგენლებს ურჩევს, ჩამოყალიბდნენ, თბილისში გამართული პარლამენტის საკომიტეტო სხდომები კონსტიტუციურია, თუ - არა.
ამის თაობაზე ბესელიამ კომიტეტის სხდომაზე მას შემდეგ განაცხადა, რაც "ნაციონალური მოძრაობის" წარმომადგენლების მიმართვას გაეცნო, რომ კომიტეტის დღევანდელ სხდომას მისი გამართვის არაკონსტიტუციურობის გამო არ დაესწრებოდნენ.
"ნაციონალური მოძრაობის" წევრები ზოგჯერ თვლიან, რომ ეს შენობა კონსტიტუციურია და სხდომებს ესწრებიან, დღეს ისევ გადაწყვიტეს, რომ ისევ არაკონსტიტუციურია. როცა ესწრებიან - კონსტიტუციურია, როცა არ ესწრებიან - არაკონსტიტუციური. ვერ შეთანხმდნენ, რა ტიპის წერილები უნდა აგზავნონ. მათ გამოუცხადებლობას საპატიოდ არ ვთვლით", - განაცხადა კომიტეტის დაწყებამდე ეკა ბესელიამ.
