სირიაში სამხედრო სახმელეთო ოპერაციის დაწყება თურქეთისა და საუდის არაბეთის მიერ დღის წესრიგში არ დგას, - ამის შესახებ "როიტერის" ცნობით, თურქეთის საგარეო საქმეთა მინისტრმა, მევლუთ ჩავუშოღლუმ განაცხადა.
მისივე თქმით, "ისლამური სახელმწიფოს" წინააღმდეგ მსგავსი ნაბიჯის გადადგმაში აშშ_ის კოალიციის ყველა ქვეყანამ უნდა მიიღოს მონაწილეობა. ჩავუშოღლუს განცხადებით, ყველაზე დიდ დაბრკოლებას სირიაში ცეცხლის შეწყვეტისთვის რუსეთის ავიაიერიშები წარმოადგენს. მისივე თქმით, სირიის ოპოზიცია, რომელმაც თანხმობა განაცხადა დროებით ზავზე, რიადში სამშაბათს შეიკრიბება.
