რუსეთი დასავლეთს საქართველოში, მოლდოვასა და უკრაინაში, რომლებსაც ისტორიულად გავლენის სფეროდ მიიჩნევს, ანტირუსული განწყობების გაღვივებაში ადანაშაულებს.
ამის შესახებ სააგენტო "როიტერი" სტატიაში წერს, რომელიც ეძღვნება ნატო-ს მინისტერიალის პირველ დღეს და ალიანსის გადაწყვეტილებას, გააფართოვოს სამხედრო ძალები აღმოსავლეთ ევროპაში.
"ნატო-ს არაწევრი საქართველო, რომელსაც 2008 წელს რუსეთთან ხუთდღიანი ომი ჰქონდა და შედეგად ორი მისი რეგიონი რუსეთის ჯარების მიერ არის ოკუპირებული, ასევე აფრთხილებს ნატო-ს, იყოს მზადყოფნაში", - ნათქვამია სტატიაში.
"კრემლის შემთხვევაში, არაფერია გამორიცხული", - განაცხადა საქართველოს თავდაცვის მინისტრმა, თინა ხიდაშელმა "როიტერთან" საუბარში.
