დიდ ბრიტანეთში ბოლო დროს განვითარებულ მოვლენებს სპეციალურ სტატიას უძღვნის გამოცემა The Economist-ი, სადაც აღნიშნულია, რომ ქვეყნის მთავრობას ამომრჩეველთა მხოლოდ 20% უჭერს მხარს.

ამის ფონზე, როგორც ულტრამემარჯვენე, ისე ულტრამემარცხენე ძალების პოპულარობა იზრდება. ეს ყველაფერი, როგორც გამოცემა წერს, დიდი ბრიტანეთის პრემიერ-მინისტრის კირ სტარმერის პარლამენტს პანიკაში ამყოფებს და საკუთარი პოლიტიკური კაპიტალის განიავებას აიძულებს.

The Economist-ის ცნობით, ბრიტანეთის ორი ტრადიციული პოლიტიკური პარტია კი ცუდ მდგომარეობაშია, რაც მანამდე არ ყოფილა. სტარმერის პერსონალური რეიტინგი კატასტროფულია. გამოცემა აღნიშნავს, რომ 5 სექტემბერს გადასახადების გადაუხდელობის გამო თანამდებობა დატოვა მისმა მოადგილემ ანჯელა რეინერმა, რამაც მთავრობაში დიდი გადაადგილებები გამოიწვია.

ამასთან ერთად, გამოცემის ინფორმაციით, პოლიტიკურ ველზე მოასპარეზე ექსტრემისტებს ძალა მიეცათ. იმ დროს, როცა „კონსერვატიული“ პარტია სულდგმულობს, ულტრამემარჯვენე პარტია „მოვახდინოთ გაერთიანებული სამეფოს რეფორმირება“-ს ლიდერმა ნაიჯელ ფარაჯმა პარტიულ კონფერენციაზე განაცხადა, რომ უკვე 2027 წელს ის პრემიერ-მინისტრი გახდება. მის პარტიას პარლამენტში ოთხი დეპუტატი ჰყავს, თუმცა ეს გარემოება მას ასეთი განცხადებების გაკეთებაში ხელს არ უშლის.

როგორც The Economist-ი იუწყება, საპარლამენტო არჩევნები ხვალ რომ ჩატარდეს, ფარაჯის პარტია ხმების 50% მიიღებს. გამოცემის ცნობით, ბრიტანეთში სხვა პარტიების პოპულარობაც იზრდება. ასე, მაგალითად, ზაკ პოლანსკი მემარცხენე პარტიის „მწვანეთა“ ახალი ლიდერი გახდა. მას ფარაჯის როლის მორგება სურს.