კომპანია "ბილაინი" და "კავკასუს ონლაინი" შესაძლოა გაერთიანდეს. კომპანიებმა საქართველოს კომუნიკაციების მარეგულირებელ კომისიაში შერწყმის თაობაზე განცხადება უკვე შეიტანეს.
როგორც "ინტერპრესნიუსს" "ბილაინის" საზოგადოებასთან ურთიერთობის სამსახურში განუცხადეს, მარეგულირებელ კომისიაში ჩაინიშნება სხდომა და მარეგულირებელი კომისია კომპანიებს ან თანხმობას ეტყვის გაერთიანების შესახებ ან უარს. თანხმობის შემთხვევაში, მოლაპარაკება უკვე კომპანიებს შორის გაგრძელდება.
