პრემიერ-მინისტრის მოვალეობის შემსრულებლის ირაკლი ღარიბაშვილის განცხადებით, თანამდებობის დატოვების შემდეგ, ის დასვენებას აპირებს და ჯერჯერობით რომელიმე პოსტის დაკავებას არ აპირებს.
"მე ახლა ვაპირებ, რომ უბრალოდ დავისვენო, დანარჩენს დრო გვაჩვენებს", - აღნიშნა ღარიბაშვილმა.
ირაკლი ღარიბაშვილმა არ უპასუხა კითხვას, დატოვებს თუ არა ის პარტია "ქართული ოცნების" თავმჯდომარის პოსტს.
თბილისის პარლამენტში საპარლამენტო უმრავლესობის სხდომა გაიმართა, სადაც დეპუტატებმა გიორგი კვირიკაშვილი პრემიერ-მინისტრობის საერთო კოალიციურ კანდიდატად, ოფიციალურად დაასახელეს.
