უკრაინის შინაგან საქმეთა მინისტრ არსენ ავაკოვის განცხადებით, ოდესის ოლქის გუბენატორმა პასუხი უნდა აგოს საკუთარ სიტყვებზე, როცა მან მინისტრს ქურდი უწოდა.
ამის შესახებ უკრაინის ძალოვანმა მინისტრმა ტელეკომპანია „1+1“-ის ეთერში განაცხადა.
„მე სააკაშვილს სასამართლოში ვუჩივლე. რადგან თუ ამბობ, რომ ადამიანი არის ქურდი, პასუხი უნდა აგო“, - განაცხადა არსენ ავაკოვმა.
მისივე თქმით, პრემიერ-მინისტრი არსენ იაცენუკიც ამზადებს სარჩელს, სააკაშვილის წინააღმდეგ, სასამართლოში შესატანად.
