საქართველოს ახალი მთავარი პროკურორი ირაკლი შოთაძე პარლამენტის იმ დეპუტატებს, რომლებმაც მას ნდობა გამოუცხადეს, მადლობას უხდის.
ირაკლი შოთაძე პროკურატურის რეფორმირების გაგრძელებას და სამართლიანობის აღდგენის პროცესის მაქსიმალურად გაძლიერებას აპირებს.
„მადლობა მინდა გამოვუცხადო პარლამენტის იმ წევრებს, რომლებმაც ნდობა გამომიცხადეს. ვაპირებ პროკურატურის რეფორმირების გაგრძელებას, პროკურორების კვალიფიკაციის ამაღლებას და ასევე სამართლიანობის აღდგენის პროცესის მაქსიმალურად გაძლიერებას“, - განაცხადა ირაკლი შოთაძემ.
