„ერთიანი ნაციონალური მოძრაობის" ერთ-ერთი ლიდერი დეპუტატი, დავით დარჩიაშვილი მათი სახელით პარლამენტში გასული მაჟორიტარების ახალ უმრავლესობაში გადასვლას არ ელოდება და ამ პროცესს არარეალურად მიიჩნევს. ამის შესახებ მან დღეს „პრაიმთაიმის“ პრესკლუბში ჟურნალისტებთან საუბარში განაცხადა.
მისი თქმით, პასუხისმგებლობის მქონე პოლიტიკურ ძალას ერთი პარტიის წევრების მეორეში გადასვლა არ უნდა უხაროდეს.
„მსგავსი რამის მოლოდინი ნამდვილად არ მაქვს. როგორც მორალური, ისე პოლიტიკური და პრაგმატული მოლოდინია, რომ პარლამენტში შექმნილი ფრაქციები საპარლამენტო უმცირესობაში დარჩებიან“ - განაცხადა დავით დარჩიაშვილმა.
მისივე თქმით, ის ადამიანები, რომლებიც „ნაციონალური მოძრაობის“ იდეას უანგაროდ ემსახურებოდნენ, აღნიშნულ პოლიტიკურ ოჯახში ყოფნას ასევე უანგაროდ გააგრძელებენ.
