შს მინისტრობის კანდიდატი ირაკლი ღარიბაშვილი მინისტრის მოვალეობის შემსრულებელ ეკა ზღულაძეს დღეს შეხვდება . კოალიცია "ქართული ოცნების" ინფორმაციით, შეხვედრა შს სამინისტროში 12.00 საათისთვის არის დაგეგმილი.
„ჩემი წარმომადგენლები დაუკავშირდნენ მოქმედი მინისტრის მოადგილეს, ბატონ ხიზანიშვილს. 12:00 საათზე მოქმედ მინისტრს, ეკა ზღულაძეს შევხვდები", - განაცხადა ჟურნალისტებთან საუბარში ირაკლი ღარიბაშვილმა.
დღევანდელი შევხედრა გაცნობითი ხასიათის იქნება.
შეგახსენებთ, ასეთივე შეხვედრები უკვე გამართეს მინისტრობის სხვა კანდიდატებმაც. კერძოდ - თეა წულუკიანმა, სოზარ სუბარმა, ლევან ყიფიანმა, ამირან გამყრელიძემ, გურამ ოდიშარიამ.
